Техникийн нөхцөл олголт
Техникийн нөхцөлийг дараах тохиолдолд олгоно:
- 1.0 Гкал/ц-аас доош дулааны хэрэглээтэй шинээр баригдах барилга байгууламж, өргөтгөл, шинэчлэл, ахуйн болон технологийн зориулалтаар дулаан авах, ачаалал өөрчлөх тохиолдол бүрд;
- Техникийн нөхцөлийн хүчин төгөлдөр байх хугацаанд дулаан хэрэглэх барилга байгууламжийг ашиглалтад оруулаагүй бол хугацаа дуусахаас 2 сарын өмнө сунгуулах хүсэлт гаргасан тохиолдолд;
- Зураг төслийн явцад дулааны ачаалал нь техникийн нөхцөлд заасан хүчин чадлаас 20 хувиас дээш нэмэгдсэн тохиолдолд.
Техникийн нөхцөл авахад бүрдүүлэх бичиг баримт:
- Албан бичиг, өргөдөл
- Тодруулах хуудсын бүрдэл (Нэгдүгээр хавсралт)
- Барилгын байршил тогтоож, газар ашиглуулах эрх олгосон Засаг даргын захирамж, шийдвэр
- Мэргэжлийн комиссын хурлын шийдвэр, эсхүл байршлын схем
- Архитектур төлөвлөлтийн даалгавар
- Дулааны ачаалал, хэрэглээний тооцоо
- Инженерийн тооцоо, судалгаанд үндэслэсэн техник технологийн дүгнэлт
Техникийн нөхцөл олголт
- Техникийн нөхцөл олгогч нь төв магистраль болон салаа шугамын нэвтрүүлэх чадвар, дулааны чадлын нөөцийг тодорхойлон, өргөдөл хүлээн авснаас хойш 14 хоногийн дотор комиссын хурлаар хэлэлцэн батална.
- Техникийн нөхцөл олгохдоо холбогдох хууль, дүрэм, журмын шаардлагыг мөрдөж, холболтын цэг дээрх чадлын хязгаарын хүрээнд олгоно.
- Эрчим хүчний шугам сүлжээний хамгаалалтын зурваст байрлах объектод техникийн нөхцөл олгохгүй.
- Комиссын дүгнэлтийг гүйцэтгэх захирал батална.
- Хугацаа дууссан техникийн нөхцөлийг хүчингүйд тооцно.
- Техникийн нөхцөл шинээр авах болон сунгуулахад үйлчилгээний төлбөр төлнө.
- Техникийн нөхцөлийн хүчинтэй хугацаа 1–3 жил байна.
Техникийн нөхцөлийн агуулга Техникийн нөхцөлд дараах мэдээллийг тусгана:
- Холболт хийх байршлын цэг, даралт, температурын үзүүлэлт
- Холболтын схем, дулааны тооцоот дээд ачаалал
- Тоног төхөөрөмжийн өргөтгөл, шинэчлэл хийх шаардлага
- Ашиглалт, аюулгүй ажиллагааны нөхцөл
- Түр холболт хийх боломж, хугацаа
- Хэмжил зүйн шаардлага хангасан дулаан хэмжих хэрэгсэл
- Шугам тавихтай холбоотой зөвшөөрлүүд
- Холбогдох хууль тогтоомж, шийдвэрийн заалт
Анхаарах: Техникийн нөхцөл авахтай холбоотой дэлгэрэнгүй мэдээллийг ажлын өдрүүдэд техникийн нөхцөл олгох албанаас авна.